تخسيس الوزن و المغالطات التي لا تنتهي

بواسطة | أكتوبر 22, 2014 | أنا امرأة, أهتم بمظهري, الجهاز الهرموني | 0 تعليقات

بصراحة أصبحت أحس بالقرف كلما وقعت عيناي على إحدى تلك البرامج أو الجرائد ناهيك عن المواقع الإلكترونية أو الصفحات الفايسبوكية التي لا تمل من تناول موضوع تخسيس الوزن والحفاض على الرشاقة، والذي أصبح بدون شك “أدسم” موضوع صحي على الإطلاق.
.
ورغم أن تخسيس الوزن يعتمد على ثلاثة أسس بسيطة كنا قد تطرقنا إليها في موضوع سابق، إلا أن الصخب الإعلامي الذي يرافق الموضوع وكثرة القيل والقال ودخول “اختصاصيين” جدد إلى حلبة المبارزة من فقهاء ومشعوذين وعلماء ” في أسبوع وفي شهر” وأصحاب الماركوتينغ – كل “يلغي بلغاه” – جعل الناس – و أكثرهم من الجنس اللطيف – تفقد البوصلة وتساق كالقطيع إلى استهلاك واتباع كل ما يقال ويحكى، ونسي هؤلاء أن السمنة هو اختلال صحي يحتاج إلى ذوي الاختصاص الفعلي الذين لم نعد نسمع لهم إلا كلاما خافتا وسط كل تلك الضوضاء التي لا يبدو أنها في طريقها إلى الخفوت.
.
اليوم قررت أن أتناول موضوع تخسيس الوزن بأسلوب خاص “جدا”، مستعينا بقفشات إحدى صفحات الفايسبوك، حيث أحاول عبره دحض بعض الأفكار المغلوطة الرائجة حول الموضوع، وبالدارجة الله يرحم الوالدين : إذن، أي واحدة (أو واحد) باغية تعمل ريجيم.. خاصها تحط في الدماغ ديالها ما يلي :
 
1 – تخسيس الوزن أو الريجيم ممكن يبدأ في أي يوم، وليس بزز في أول الأسبوع أو أول الشهر.
2 – الريجيم ماشي كوكا لايت بعد نص طبسيل ديال السباكيتي بالبشاميل.
3 – إلا حتى شبعت مع راسك لحم وحليتي بشي طبسيل ديال الديسير، عاد حسيتي بتأنيب الضمير وندمتي… فربُنا ما غاديش ينقص ليك كاع هذه السعرات الحرارية… بل غادية تزيدي تغلاضي… و كوني هانية، الضمير ديالك غادي يموت وباي باي تخسيس الوزن.
4 – ما كايناش شي حاجة سميتها ماكلة ديال الريجيم أو تخسيس الوزن … يعني البروكولي والكيوي مثلا ما كينقصوش من الوزن… هما فقط سعراتهم الحرارية قليلة… يعني إلا ضربتي مع راسك شي كيلو ديال البروكولي وحليتي ب 30 حبة كيوي، ديري في بالك أنك غادية تزيدي تغلاظي… آييه…
5 – راه ما كاينش أعباد الله دواء ديال تخسيس الوزن بلا ريجيم وبلا رياضة وبلا صبر وخا تشوربي لتر ديال الحامض في النهار، من غير بعض الحالات المتقدمة جدا ديال السمنة اللي ممكن نستعينوا فيها بالجراحة و بعض أنواع الحقن.
6 – الماء وسط الماكلة ما كي خرجش الكرش… لأنك ببساطة أصلا عندك الكرش… و إلا مكنتيش عملتي تخسيس الوزن..
7 – في لاصال… ما تبقايش لاصقة على هاديك الآلة اللي كتحرك الجسم كامل… متخيلة بأنك بهذه الطريقة غادية تزيدي تنقصى من الوزن.. أو تشري هاديك الأشكال من الأحزمة الثابثة أو اللي تفيبري…اللي كي جيبوا ليها الإشهار في قنوات البلى ديال نايلسات، اللي كيقولوا بأنها كتنزل الكرش أو الورك أو الأرداف، وأنت ناعسة مع راسك، أو كتفرجي في ماستر شيف… إلى باغية طيحي الوزن جري مع راسك أبنتي.
8 – ممكن هاداك الشى لطيحتيه في أسبوع، ترجعي أكثر منو في هذاك اليوم اللي كتفكري تاخذي فيه “شوية” ديال الراحة.
9 – تخسيس الوزن ما كي كونش بين نهار وليلة، أو لا حتى شهر أو شهرين… القضية خاصها الوقت والانتظام و… الإرادة.
10 – إلى باغة بصح تضعافي، من الأفضل ما تبقايش تمشي عند أمك… واخة تبقى تحلف ليك بأنها راها دارت غير نقطة ديال الزيت في الأكل، مع أنها كبات البوديزة ديال 5 ليترو كاملة.
11 – إلى تحققت الأمنية ديالك وضعافتي .. بلاما تحطي صورتك قبل و بعد على الفيس بوك باش تفقصي صحاباتك 😀
12 – عنداك تقادي مع راسك، وديري فيها حتى نتي اخصائية تغذية، وأيضا عنداك تخسري من الوزن وتربحي شي مرض نفسي. إوى فهميني 😉
 
. .

 للاستفسار حول بعض جوانب الموضوع أعلاه أو طلب المشورة يمكنكم ترك تعليق أسفله